"მანჩესტერ იუნაიტედის" ახალწვეულის, ანხელ დი მარიას მამა მადრიდის "რეალს" მისი შვილის დაუფასებლობაში სდებს ბრალს და აცხადებს, რომ ანხელის სახით ესპანელებმა "წამყვანი ფეხბურთელი" დაკარგეს.
დი მარია "ოლდ ტრაფორდზე" ამ კვირაში სარეკორდო თანხად, 59.7 მლნ. ფუნტად გადავიდა.
მიგელ დი მარიას თქმით, მისი შვილი ბედნიერია პრემიერ ლიგაში გადასვლით.
მაგრამ მიგელმა "რეალ მადრიდს" ბრალი დასდო იმაში, რომ ესპანელებმა არაფერი გააკეთეს მისი შვილის შესანარჩუნებლად.
"დი მარიამ "რეალთან" ერთად 5 თუ 6 ტიტული მოიგო და მიუხედავად გაძლიერებული კონტრაქტისა, ფული სინამდვილეში არ მატულობდა."
"ანხელს არასდროს აფასებდნენ. ისე ჩანდა, თითქოს არ უნდოდათ, რომ კლუბში ჰყოლოდათ და არანაირ სურვილს არ ამჟღავნებდნენ."
"მას ყოველთვის უნდა ებრძოლა, რათა ადგილი მოეპოვებინა და სხვა მოთამაშეებისთვის გადაესწრო. მაგ. გარეტ ბეილისთვის."
"ჩემი შვილი დაიღალა ბრძოლით, დემოსნტრირებითა და საკუთარი შესაძლებლობების ჩვენებით."
"მათ არასდროს შეუთავაზებიათ 6 მლნ. უკანასნელი შეთავაზება 5 მლნ. იყო, რაც 1.5 მლნ.-თ მეტია წინაზე. პირველადი პრობლემები ეკონომიკური მიზეზით გაჩნდა."
"ის მადრიდში ხელფასისთვის წავიდა, ის კი გაანახევრეს."
"ანხელი ბედნიერია "მანჩესტერ იუნაიტედში". ის ასევე კარგად არის ეკონომიკურად უზრუნველყოფილი."
"მადრიდის "რეალის" წამყვან ფეხბურთელს კარგავს, დომინანტ ფიგურას, რომელსაც ნებისმიერ წამს შეუძლია ათამაშდეს და მატჩი მოიგოს" - განაცხადა მიგელ დი მარიამ.