მარკოს როხო კვლავ ვერ ითამაშებს.
პრემიერ-ლიგას ჯერ კიდევ არ დაუმტკიცებია "სპორტინგიდან" მარკოს როხოს "მანჩესტერ იუნაიტედში" გადასვლა.
ჯერ კიდევ გასულ კვირაში, "მანჩესტერ იუნაიტედმა" ოფიციალურად განაცხადა 24 წლის როხოს შეძენის შესახებ, რომელშიც 16 მლნ. ფუნტი გადაიხადეს. თუმცა როხო ჯერ კიდევ ვერ ახერხებს ვან გაალის გუნდში დებიუტს.
როხოს განაცხადში ვერ შეყვანის ერთადერთ მიზეზად ის სახელდებოდა, რომ მარკოსს ინგლისში მუშაობის ლიცენზია არ ჰქონდა. თუმცა საქმე უფრო სერიოზულადაა.
Daily Mail - ის ცნობით პრემიერ ლიგა როხოსთვის ლიცენზიის მიცემაზე უარს აცხადებს იმის გამოც, რომ მარკოსის ტრანსფერი არა მარტო "სპორტინგს", არამედ მესამე პირს, კომპანია Doyen-საც ეკუთვნის.
საქმე იმაშია, რომ 2012 წელს მოსკოვის "სპარტაკიდან" როხოს გადაბირების მცდელობისას "სპორტინგს" თანხის უმეტესი ნაწილი Doyen-მა ასესხა. შეთანხმებაში შეტანილი იყო პუნქტი, რომლის თანახმადაც როხოს გაყიდვიდან შემოსული თანხის 75% სწორედ Doyen-ს ეკუთვნოდა.
ამ მიზეზით, "სპოტინგის" პრეზიდენტს, ბრუნო დე კარვალიოსა და Doyen-ს მფლობელებს შორის კონფლიქტს ჰქონდა ადგილი. როგორც ჩანს, პორტუგალიური ფეხბურთის გრანდს გამომუშავებული თანხების გაყოფა არ სურს.
დავამატებთ, რომ პრემიერ ლიგა დიდი ყურადღებით ეკიდება ისეთ ტრანსფერებს, რომელშიც მესამე პირია ჩართული. შეხსენებისთვის "ვესთ ჰემში" კარლოს ტევესის გადასვლას გამოვიყენებთ.
fapl.ru