სტადიონი: "მილტონ კეინსი", მილტონ-კეინსი მონაცემი: ლიგის თასი, მეორე რაუნდი მსაჯი: ფილ დაუდი მთავარი მსაჯი: სტიუარტ ეტველი (უორიკშირი) გვერდითა მსაჯები: რაიან ტ. ეტკინი, იან კუპერი. სათადარიგო მსაჯი: კეიტ ჰილი თარიღი: სამშაბათი, 26 აგვისტო, 2014 წელი მატჩის დასაწყისი: 23:00, (ჩვენი დროით)
"დონსი"
ტრავმირებულები: ჰოდსონი დისკვალიფიკაცია: არავინ კითხვისნიშნისქვეშ: მარტინი განაცხადი: არ არის ცნობილი
ტრავმის გამო შეხვედრას გამოტოვებს მასპინძელთა მცველი, ლი ჰოდსონი. ასევე უნდა დაზუსტდეს შეძლებს თუ არა მოედანზე დაბრუნებას მეკარე, დევიდ მარტინი, რომელსაც ბარძაყის ტრავმა აქვს.
ლუი ვან გაალს მოუწევს კრის სმოლინგისა და ანდერ ერერას მდგომარეობას გადახედოს. სმოლინგი "სანდერლენდთან" შეხვედრაში საზარდულის კუნთების დაზიანების გამო პირველი ტაიმის დასრულებამდე შეცვალეს. ერერამ კი ზემოაღნიშნული შეხვედრა ტერფის დაზიანების გამო გამოტოვა.
როგორც მოსალოდნელია, ლიგის თასის შეხვედრისთვის სრულად გამოჯანმრთელდა ბრაზილიელი მცველი, რაფაელ და სილვა. ხოლო როხოს მოუწევს ინგლისში მუშაობის ლიცენზიის მიღებამდე მოიცადოს.
"დონსი"
ბოლო 6 შეხვედრა (წინა სეზონში ყველა ტურნირზე გამართული შეხვედრების ჩათვლით): წ-მ-მ-წ-მ-ფ
"დონსმა" საკმაოდ წარმატებულად დაიწყო პირველი ლიგის სეზონი და 4 შეხვედრაში 2 მატჩი მოიგო, 1 კი ფრედ დაასრულა. ისინი 7 ქულით სატურნირო ცხრილის მე-7 ადგილზე იმყოფებიან.
ინგლისის თასის მიმდინარე გათამაშების პირველ რაუნდში "დონსმა" სახლში "უიმბლდონს" 3-1 სძლია.
გასული სეზონის გათამაშების პირველ რაუნდში 2-1 "ნორტჰემპტონ თაუნს" მოუგეს, ხოლო მეორე რაუნდში მომავალ ფინალისტთან, "სანდერლენდთან" 4-2 დამარცხდნენ.
"მანჩესტერ იუნაიტედი"
ბოლო 6 შეხვედრა (წინა სეზონის მატჩები ჩათვლით): მ-წ-მ-ფ-წ-ფ წამყვანი ბომბარდირები: მატა, რუნი - თითო გოლი (პრემიერ-ლიგაში)
"მანჩესტერ იუნაიტედმა" პრემიერ-ლიგის გათამაშება ძალზედ ცუდად დაიწყო და "სანდერლენდთან" მოპოვებული 1 ქულის შედეგად სატურნირო ცხრილის მე-13 ადგილზე ადგილზე იმყოფება.
"იუნაიტედი" შეეცდება ლიგის თასი მეხუთედ მოიგოს. აქამდე "იუნაიტედს" მისი აღმართვა 1992, 2006, 2009 და 2010 წლებში ერგო წილად.
"მანჩესტერ იუნაიტედს" ლიგის თასის 8 ფინალურ შეხვედრაში აქვს მონაწილეობა მიღებული და 4 მათგანში იმარჯვა.
გასულ სეზონში, "წითელმა ეშმაკებმა" ლიგის თასისკენ მიმავალი გზა ნახევარფინალში "სანდერლენდთან" ორმატჩიან დუელში შეწყვიტეს. გამარჯვებულის ბედი 11 მეტრიანების სერიან გამოავლინა, რომელშიც "შავი კატები" უკეთესები აღმოჩნდნენ.
გამომდინარე იქიდან, რომ გასული სეზონი "იუნაიტედმა" ევროთასების საგზურის მოპოვების გარეშე დაასრულა, ისინი სათასო გათამაშებას მეორე რაუნდიდან იწყებენ.
"წითელი ეშმაკები" ტურნირის ამ ეტაპზე 1995 წლის შემდეგ პირველად ასპარეზობენ. იმ წელს სერ ალექსის გუნდმა მატჩი "იორკ სიტისტან" 4-3 დათმო.
უერთიერთშეხვედრები
"იუნაიტედი" და "დონსი" ერთმანეთს არ შეხვედრიან მას შემდეგ, რაც "უიმბლდონი" მილტონ კეინსში გადაბარგდა და სახელად "მკ დონსი" დაირქვა. მიუხედავად ამისა "მანჩესტერ იუნაიტედი" "უიმბლდონს" 32-ჯერ შეხვდა და 1997 წელს ინგლისის თასის გათამაშებაში "სელჰერსტ პარკზეც" დამარცხდა. აღსანიშნავია ისიც, რომ მსაჯებმა შეხვედრის ბოლო წუთებზე შმეიხელის გოლი არ ჩათვალეს. ბოლო 3 დაპირისპირება ამ გუნდებს შორის ფრედ დასრულდა, რომელთაგან უკანასკნელი 2000 წელს დაფიქსირდა(2-2). მაშინ, ფერგიუსონის გუნდში თავი ხორდი კროიფმა და ენდი კოულმა გამოიჩინეს.