"მანჩესტერ იუნაიტედის" პატარა ქომაგმა "წითლების" ფორმის ჩაცმა იუარა, მას შემდეგ რაც მისმა საყვარელმა ფეხბურთელმა ნომერი შეიცვალა. 8 წლის ჯეიმს კოლინსი ფიქრობს, რომ მას დასცინებენ, ვინაიდან ბიჭუნამ იანუზაის 44 ნომრიანი ფორმა შეიძინა 1 თვის წინ, ახლა კი ბელგიელი 11 ნომრით ასპარეზობს.
სახელოვანი 11 ნომერი მას შემდეგ გახდა ვაკანტური, რაც ლეგენდარულმა რაიან გიგზმა ბუცები ლურსმანზე დაკიდა, თუმცა მისი "შთამომავლის" ვინაობა, სულ ახლახანს, 17 აგვისტოს იქნა დამტკიცებული ოფიციალური საიტის მიერ.
მიუხედავად ჯეიმსის დედის, შერილის საჩივრისა, მეგასტორის ბოსები შეცვლაზე უარს აცხადებენ, რადგან მათ მანამდე გააფრთხილეს მომხმარებლები, რომ იანუზაის 44 ნომრიანი მაისურის შეძენისგან თავი შეეკავებინათ. ჯეიმს კი ეს მაისური ჯამში 93 ფუნტ-სტერლინგი დაუჯდა. 45 წლის დედა კი აცხადებს, რომ კლუბმა მის ვაჟს ძალიან ატკინა გული.
"ის "იუნაიტედზეა" გაგიჟებული. მან მთელი ზაფხული საფეხბურთო ბანაკში გაატარა და მხოლოდ ამაზე ლაპარაკობს." აცხადებს ჯეიმსის დედა. "იგი მოუთმენლად ელოდა, როდის მოუტანდნენ ახალ მაისურს და ყოველთვის მეკითხებოდა თუ როდის იქნებოდა შეკვეთა მზად. მას მხოლოდ ორჯერ ან სამჯერ ჰქონდა მაისური ჩაცმული, როდესაც გავიგეთ რომ იანუზაის ახალი ნომერი მიანიჭეს."
"ჩვენ იმეილის საშუალებით დავუკავშირდით მეგასტორს და ვთხოვეთ მაისურის შეცვლა, მათ კი მტიცე უარით გაგვისტუმრეს. რამდენიმე კვირის წინ კი მათ მაისური შეცვალეს, სადაც "რუნი" არასწორად ეწერა. დიახ, ჩვენ შეცდომით არაფერი გაგვიკეთებია, მაგრამ საკმარისი თანხა აღარ დაგვრჩა ახლის შესაძენად. თუ რამე იდეა იყო, ეს მაისურის შეცვლა გახლდათ, რადგან მირჩევნია ჯეიმსმა მოიცადოს, ვიდრე გულგატეხილი ვიხილო." - განაცხადა შერილმა.