ყველა ჭორი და ბრიტანული პრესის ყველა სტატია ერთ სიახლეში.
მოგეხსენებათ, როხოს ირგვლივ უამრავი ჭორი აგორდა. შევეცადეთ ერთ სიახლეში მოკლედ გაგვეერთიანებინა ყველა ცნობა, ყველა ჭორი და ყველა სიახლე რაც ბრიტანულ პრესაში იწერება.
როგორც ბრიტანული გამოცემა
"Sky Sports" იტყობინება, როხოს "სპორტინგის" დატოვება და "მანჩესტერ იუნაიტედში" გადასვლა სურს. სამშაბათს როხოს არ უვარჯიშია კლუბთან ერთად და როგორც სჩანს "წითლებმა" უკვე შესთავაზეს პორტუგალიურ კლუბს 16 მილიონი ფუნტი. გარდა ამისა კარვალიომ განაცხადა, რომ ის და მისი თანაგუნდელი სლიმანი დაისჯებიან გაცდენილი ვარჯიშის გამო.
"მათი კონტრაქტები კიდევ სამ წელს ითვალისწინებენ სპორტინგში",-ციტირებს კარვალიოს სიტყვები.
"Daily Mail"–ის განცხადებით კი, "წითლებმა" უკვე იციან როგორ უნდა დახარჯონ დარჩენილი 80 მილიონი და ერთ–ერთი შენაძენი როხო იქნება. არგენტინელი მარცხენა მცველი, ეს სწორედ ის არის ვინც ლუი ვან გაალსა და "იუნაიტედს" სჭირდება.
"Mirror" კი აქტიურად განიხილავს როხოს ტრანსფერს "იუნაიტედში". ბრიტანული გაზეთის განცხადებით, ეს წითელი სამყაროსთვის განსაკუთრებული დღეა, რადგან გულშემატკივარი როხოს ტრანსფერს აუცილებლად იხილავს. გაზეთი ასევე აცხადებს, რომ მისი გაოფიციალურება შაბათ-კვირამდე მოხდება.
სხვა ბრიტანულ პრესას არც
"Daily Star" ჩამორჩა. ისინიც ასევე აცხადებენ, რომ 24 წლის მცველის ტრანსფერში აქტიურადაა ჩაბმული "იუნაიტედი". ვან გაალის როხოთი დაინტერესება კი მსოფლიო ჩემპიონატზე მოხდა. ის არგენტინის თამაშის შემდეგ შთაბეჭდილების ქვეშ მოექცა და სავარაუდოდ მაშინ გადაწყვიტა მისი შეძენა. ვან გაალმა თანხაც არ დაინანა და მზად არის არგენტინელში 16 მილიონი გადაიხადოს.
"Independent"-ის განცხადებით კი, "მანჩესტერ იუნაიტედმა" უარყო ჭორები კუადრადოს შესახებ და როხოში 16ის ნაცვლად 15 მილიონს იხდის. შეგახსენებთ, რომ პატრის ევრამ კლუბი დატოვა, ლუკ შოუსთან ერთად კი როხო იდეალური ვარიანტი იქნებოდა ვან გაალის ტაქტიკისთვის.
როგორც
Manchester Evening News იტყობინება, როხო ძალიან ახლოს არის "მანჩესტერში" გადმოსვლასთან. მისი სურვილის გარდა, ამას ის ფაქტიც აძლიერებს, რომ კლუბის ხელმძღვანელობამ ისინი დასაჯა.
"ისინი ვერ ითამაშებენ შაბათს, თუ მათ სურთ შეუძლიათ თამაშს სახლში უყურონ",-აცხადებს კავრალიო.
შეგახსენებთ, რომ "წითლები" მზად არიან არგენტინელში 16 მილიონი გადაიხადონ.