ლუი ვან გაალმა განაცხადა რომ უეინ რუნი გახდება "მანჩესტერ იუნაიტედის" ახალი კაპიტანი, ხოლო ფლეტჩერი ვიცე–კაპიტანი.
"ჩემთვის ყოველთვის ძალიან მნიშვნელოვანია, კაპიტნის არჩევა. უეინმა აჩვენა შესანიშნავი დამოკიდებულება ყველაფერზე რასაც ის აკეთებს. მისმა პროფესიონალიზმა და საქმისადმი მიდგომამ ჩემზე დიდი შთაბეჭდილება მოახდინა. ის დიდი შთაგონების წყაროა გუნდის ახალგაზრდა წევრებისთვის და მე მჯერა, რომ იგი მთელ თავის სულს და გულს ჩადებს კაპიტნის როლში. დარენ ფლეტჩერი გახდება ვიცე კაპიტანი. ის არის ნამდვილი ლიდერი და იქნება კაპიტნის როლში როცა რუნი არ ითამაშებს. დარენი ძალიან გამოცდილია და ძალიან პოპულარულია გასახდელში. ვიცი რომ იგი კარგად იმუშავებს უეინთან ერთად."
უეინ რუნი: "ეს ჩემთვის და ჩემი ოჯახისთვის დიდი პატივია – დასახელდე ასეთი დიდი გუნდის კაპიტნად. ეს ის როლია, რომელსაც ყოველთვის დიდი სიამაყით შევასრულებ. გუნდური სულისკვეთება ყოველთვის მაღალია გასახდელში და ძალიან მადლიერი ვარ, რომ მწვრთნელი მენდობა. მოუთმენლად ველი პირველ მატჩს კაპიტნის სამკლაურით და მჯერა, რომ ამ შეხვედრას აუცილებლად მოვიგებთ"
დარენ ფლეტჩერი: "მოხარული ვარ, რომ დავსახელდი, როგორც ვიცე კაპიტანი. ეს არის ძალიან საამაყო მომენტი ჩემთვის და ჩემი ოჯახისთვის. მე და უეინი ყოველთვის კარგად ვმუშაობდით ერთად კლუბისთვის და გავაგრძელებთ ამას ჩვენ–ჩვენ როლებში. მინდა მადლობა გადავუხადო მწვრთნელს ამ ნდობისთვის."