წინასასეზონო ტურნეს დაწყებამდე ერთი კვირით ადრე "წითელ ეშმაკებმა" ორი ფეხბურთელი დაიმატეს. "ოლდ ტრაფორდის" მკვიდრთა რიგებს "სუონსიდან" ვინგერი დენიელ ჯეიმსი შეემატა 18 მლნ. ფუნტად, ხოლო "პალასიდან" ვან-ბისაკა 50 მლნ. ფუნტად, თუმცა "იუნაიტედი" ამაზე გაჩერებას არ აპირებს.

Sky Sports-ის წყაროების ინფორმაციით, ოლ გუნარ სოლსკიაერის მორიგი სატრანსფერო სამიზნე "ნიუკასლის" 21 წლის ნახევარმცველი, შონ ლონგსტაფი იქნება.

ლონგსტაფი "ნიუკასლის" აკადემიის აღზრდილია. გასულ სეზონში ინგლისელმა ფეხბურთელმა პირველ გუნდში 11 შეხვედრა ჩაატარა და 2 გოლის გატანა შეძლო.

ლონგსტაფმა დეკემბერში კლუბთან კონტრაქტი 2022-წლამდე გაახანგრძლივა. როგორც ცნობილია, "ნიუკასლი" 21 წლის ნახევარმცველის სანაცვლოდ £50 მილიონ ფუნტს ითხოვს.