"მანჩესტერ იუნაიტედი" "ვულვერჰემპტონის" ნახევარმცველით პედრო ნეტოთია დაინტერესებული.

ერიკ ტენ ჰააგის გუნდი აგრძელებს შემტევი ნახევარმცველის ძებნას. ვაკანტური ადგილის მთავარი პრეტენდენტი "აიაქსელი" ენტონი იყო, თუმცა ჰოლანდიელებმა რამდენიმე დღის წინ ფეხბურთელის ფასი გაზარდეს რაც "წითელ ეშმაკებს" არ მოეწონათ.

ამჟამად ინგლისური გრანდი ნეტუს კანდიდატურას განიხილავს. ნახევარმცველმა "ვულვზთან" კონტრაქტი 2027 წლამდე გაახანგრძლივა, თუმცა Fichajes-ის ცნობით, კლუბი მზადაა პორტუგალიელს, ადეკვატური შეთავაზების სანაცვლოდ შეელიოს.

გასულ სეზონში პედრუმ ლიგაში 13 მატჩი ჩაატარა, 1 გოლი გაიტანა და 1 საგოლე გადაცემაც მიითვალა პირად აქტივში.