"ლესტერის" ინგლისელი მცველის ჰარი მაგუაიერის "მანჩესტერ იუნაიტედში" ტრანსფერი დასასრულს უახლოვდება. ცენტრალური მცველი, "წითელი ეშმაკებისთვის" მიმდინარე სატრანსფერო ფანჯარაზე რიგით მესამე ტრანსფერი იქნება.

Sky Sports- ის მიერ გავრცელებული ცნობით კლუბებმა შეთანხმებას მიაღწიეს. ედ ვუდვორდი ჰარი მაგუაიერის სანაცვლოდ ბრენდან როჯერსის გუნდს 80 მილიონ ფუნტ-სტერლინგს გადაუხდის. ამ ტრანსფერით ინგლისელი ფეხბურთელი მსოფლიოში ყველაზე ძვირადღირებული ცენტრალური მცველი გახდება.

ახლა მხოლოდ სამედიცინო შემოწმების გავლა ხდება საჭირო, ამის შემდეგ კლუბები შეთანხმების შესახებ ოფიციალურად განაცხადებენ.

შეგახსენებთ, რომ აქამდე მსოფლიოს ყველაზე ძვირადღიებული ცენტრალური მცველი ვირჯილ ვან დეიკი იყო, რომელიც მერსისაიდული "ლივერპულის" ღირსებას იცავს.