სენსაციური ინფორმაცია გაავრცელა გუშინ ინგლისურმა ტაბლოიდმა Daily star-მა,რომლის თანახმადაც შესაძლოა ამ ზაფხულს პორტუგალიელი ვარსკვლავი კრისტიანო რონალდო თავის ყოფილ კლუბ მანჩესტერ იუნაიტედს დაუბრუნდეს.პრესა ასევე იუწყება იმას,რომ მანჩესტერ იუნაიტედი და მადრიდის რეალი უკვე აწარმოებენ მოლაპარაკებებს ამ ტრანსფერთან დაკავშირებით.ინგლისური კლუბი მზადაა რონალდო 55 მილიონ ფუნტად დაიბრუნოს.იუნაიტედის მთავარ მწვრთნელს სერ ალექს ფერგიუსონს აღევლებს რონალდოს მომავალი,თუ რას გადაწყვეტს ის მომავალში და მზადაა,რომ პორტუგალიელი დააბრუნოს იმ კლუბში,საიდანაც მან დაიწყო ვარსკვლავად "გამოძერწვა".აქვე იმასაც შეგახსენებთ,რომ მადრიდის რეალმა 2009 წელს რონალდოში კოლოსალური თანხა 80 მილიონი ფუნტი გადაიხადა.

ამ ფაქტორს ისიც უწყობს ხელს,რომ რეალის პორტუგალიელი თავკაცი ჟოზე მაურინიო კლუბს სეზონის ბოლოს დატოვებს.ამ ინფორმაციის გავრცელების შემდეგ პ.ს.ჯ-ს მესვეურვებმა დაიწყეს იმაზე ზრუნვა,რომ მაურინიო თავის კლუბში იხილონ,მაგრამ აქვე ისიც აღსანიშნავია,რომ შესაძლოა რონალდო თავის თანამემამულეს კვალს გაჰყვეს და მანაც თავი პ.ს.ჯ-ში ამოყოს.ასევე იუნაიტედი მზადაა რონალდოს ხელფასი კვირაში 220 000 ფუნტი იყოს,რასაც კრიზისში მყოფი რეალი ვერ მოახერხებს და ძალიან გაუჭირდებათ ამ ფულის გადახდა რონალდოსთვის.მანჩესტერ იუნაიტედის ახალმა სპონსორმა "შევროლეტმა" ამ ტრანსფერთან დაკავშირებით განაცხადა,რომ ისინი ყველანაირად შეეცდებიან ოლდ ტრაფორდზე დააბრუნონ რონალდო.ისინი მზად არიან ყველანაირად დაეხმარონ კლუბს ამ ისტორიული ტრანსფერის განხორციელებაში.