ნემანია მატიჩის ტრანსფერი დასრულდა. სერბი ნახევარმცველი კარიერას "მანჩესტერ იუნაიტედში" გააგრძელებს.
ამ ინფორმაციას ისეთი გავლენიანი და სანდო გამოცემები ადასტურებენ როგორებიცაა Sky Sports და BBC. გავრცელებული ინფორმაციის თანახმად ნემანია მატიჩის ტრანსფერის თაობაზე შეთანხმებას კლუბებმა გუშინ მიაღწიეს, დღეს დილით კი ფეხბურთელმა სამედიცინო შემოწმება გაიარა. მის გაოფიციალურებას დღეს ან ხვალ ელოდებიან. ჯერჯერობით უცნობია ტრანსფერის ზუსტი ღირებულება. გავრცელებული ხმებით სერბის შეძენა "იუნაიტედს" 40 ან 50 მილიონი ფუნტი დაუჯდა.
ქვემოთ კი გთავაზობთ ფოტოს, რომელიც რამდენიმე საათის წინ გავრცელდა. ფოტოში მატიჩი "იუნაიტედის" სავარჯიშო ფორმაში იმყოფება. ზემოთაღნიშნულიდან გამომდინარე გვაქვს საბაბი ვივარაუდოთ, რომ ფოტო ნამდვილია და მას შემდეგაა გადაღებული, როცა მატიჩმა სამედიცინო შემოწმება გაიარა.
ეს ფოტო კი მაშინაა გადაღებული, როცა მატიჩი "კარინგტონზე" მივიდა სამედიცინო შემოწმების გასავლელად.