"ჰალ სიტის" დამარცხებით ჟოზე მოურინიოს გუნდმა პრემიერ ლიგაში ზედიზედ მე-3 გამარჯვება მოიპოვა. პორტუგალიელი სპეციალისტი გუნდის თამაშითა და მატჩის შედეგით კმაყოფილი გახლდათ. მოურინიომ BBC-სთან ინტერვიუში განაცხადა, რომ გუნდის მიზანი პრემიერ ლიგის მოგებაა და ამას თავის ფეხბურთელებს ყოველთვის ეუბნება.

"მოგება დავიმსახურეთ. ფეხბურთელებს ყოველთვის ვეუბნები, რომ მხოლოდ მოსაგებად უნდა გავიდნენ მოედანზე. ჩვენი მიზანი მხოლოდ ერთია - ჩემპიონობა. საოცარია, როდესაც ვიყურები და ვხედავ სკამზე მჯდარ ხალხს, რომელიც ჩვენს გოლზე ხტუნავს. ეს ჩემი ბიჭებისა და სამუშაოსთვის, პრივილეგიაა" - განაცხადა პორტუგალიელმა.

"მანჩესტერ იუნაიტედმა" 3 ტურის შემდეგ 9 ქულა დააგროვდა და "სიტისთან" და "ჩელსისთან" ერთად პრემიერ ლიგის ლიდერია. მომდევნო შეხვედრას "წითელი ეშმაკები" 10 სექტემბერს გამართავენ, მოურინიო თავის პირველ მანჩესტერულ დერბიში გუარდიოლას დაუპირისპირდება.