როგორც მოგეხსენებათ, მთელი სეზონის განმავლობაში დევიდ მოიესის მიმართ უკმაყოფილებები მატჩიდან მატჩამდე იზრდებოდა, თუმცა "ევერტონთან" სეზონის მეორე მარცხი, როგორც ჩანს მოიესისთვის საკმარისზე მეტი აღმოჩნდა. წინა დღეს უამრავი გამომცემლობა იუწყებოდა მის შესაძლო გადადგომის შესახებ, მაგრამ მხოლოდ ახლახანს გახდა ცნობილი, რომ მოიესმა ოფიციალურად დატოვა პოსტი. გავრცელებული ინფორმაციის თანახმად, კლუბს დარჩენილ მატჩებში ლეგენდარული რაიან გიგზი წარუძღვება, ხოლო ვინ გახდება სამომავლო მწვრთვნელი ამას იმედია უახლოეს მომავალში გავიგებთ. შეგახსენებთ, რომ კანდიდატებად იურგენ კლოპი, დიეგო სიმეონე და ლუის ვან გაალი განიხილებიან, თუმცა ამ უკანასკნელთან დაკავშირებით გაცილებით მეტი იწერება ყვითელ პრესაში.

მე ვალდებულად ჩავთვალე გამეცნო თქვენთვის ეს ინფორმაცია და ვიმედოვნებ, რომ ამ დიად კლუბს დიადი მწვრთვნელი დააბრუნებს წარმატების გზაზე.

პატივისცემით,

დაჩი ქიზიყურაშვილი.