ერიკ ტენ ჰეგმა ჟურნალისტების მიერ დასმულ შეკითხვებს, წინასამატჩო პრესკონფერენციაზე უპასუხა და ბევრ საკითხზე ღიად ისაუბრა რომელსაც ქვემოთ შემოგთავაზებთ.

გრინვუდის შესახებ

ჩვენი გუნდი არ არის იმ დონეზე, როგორზეც უნდა იყოს, ამიტომ ბევრი სამუშაო მაქვს. მთელ ყურადღებას ვაქცევ გუნდს და იმ ფეხბურთელებს, რომლებიც ჩემს განკარგულებაში მყავს. მე შემიძლია მხოლოდ კითხვებზე პასუხის გაცემა ჩვენი თამაშის შესახებ, ჩვენი გუნდის შესახებ, იმის შესახებ, თუ სად უნდა გავაუმჯობესოთ.

ტრავმები

დიახ გაჩნდა ეს პრობლემა, აღმოვჩნდით ამ სიტუაციაში როდესაც მასიური ტრავმიანობაა გუნდში, მაგრამ უმაღლეს დონეზე არსებულ ფეხბურთისთვის ეს ახალი არაფერია. აქ მოთამაშეები აღწევენ თავიანთი შესაძლებლობების საზღვრებს და ხდება ტრავმები. რა თქმა უნდა, ეს იმედგამაცრუებულია, მაგრამ თქვენ უნდა გაუმკლავდეთ მას და შეცვალოთ გუნდი. ჩვენ უბრალოდ უნდა გავუმკლავდეთ ამ ყველაფერს.

შეძლებს ჰოილუნდი თამაშს?

ხვალ ის არ იქნება. მან გუნდთან ერთად პირველად ივარჯიშა დღეს და ველოდებით, რომ მთელი კვირა ექნება სავარჯიშო სესიები, სანამ მის ნაკრებში ჩართვას განვიხილავთ.

შოუს ტრავმის შესახებ

მიუხედავად იმისა, რომ ტერმინებს ვერ დავასახელებთ. ახლა ეს ითვლება პერსონალური მონაცემების გამჟღავნებად. ლუკი ცოტა ხნით დაგვტოვებს ვნახოთ რა დრო დასჭირდება მის დაბრუნებას.

ნიშნავს თუ არა შოუს ტრავმა ახალ ტრანსფერს?

შესაძლოა ნიშნავდეს თუმცა უნდანვიმოქმედოთ სიტუაციურად, შესაფერისი ფეხბურთელის გამოჩენის შემთხვევაში ეს შესაძლებელია.

მალასია

ისიც მხოლოდ რამდენიმე კვირაში დაბრუნდება. მაგრამ გუნდში, ჩვენ ნამდვილად გვაქვს ამ პრობლემის გადაჭრის ვარიანტები. ამას გადავლახავთ. სეზონის წინ მსგავს სცენარს ვიფიქრებდით, მაგრამ ვიმედოვნებდით, რომ ასე არ მოხდებოდა. თუმცა, თუ ეს მოხდება, მზად უნდა იყოთ.

თაყვანისმცემლების აზრი გრინვუდის შესახებ

კიდევ ერთხელ "იუნაიტედის" გულშემატკივრები პირველ რიგში "იუნაიტედის" გამარჯვებას ელოდებიან და ამაზე პასუხისმგებლობას მე ვიღებ. უნდა ვაჩვენო, რომ გუნდმა უკეთესად ითამაშოს, ვიდრე ახლა.

ნახევარდაცვაზე

ნახევარდაცვამ "ტოტენჰემთანნ" მატჩში საუკეთესოდ არ ითამაშა? თქვენ ყოველთვის გაქვთ რაიმე სახის კლინიკური ანალიზი და თქვენი შეფასება არასწორია. ეს არ იყო ნახევარდაცვაზე წამოსული პრობლემები, ეს იყო წინა და უკანა ხაზის ხვრელები და ამაზე თამაშის შემდეგ ვისაუბრე.

კაზემიროს ფორმის შესახებ

ციფრებს თუ დააკვირდები, ნახავ, რომ მასთან ყველაფერი მშვენივრადაა! ზოგადად, ეჭვი არ მეპარება, რომ ჩვენი ფეხბურთელები სწრაფად ჩადგებიან ფორმაში. დიახ, "ტოტენჰემთან" მატჩის მეორე ნახევარში მათ ამ მხრივ არაფერი აჩვენეს, მაგრამ სეზონის პირველი მატჩის შემდეგ პრემიერ ლიგაში ფიტნესით საუკეთესოები ვიყავით",- აცხადებს დასასრულს სპეციალისტი.