მადრიდული კლუბი გუნდის მთავარი ვარსკვლავის გასხვისებას არ აპირებს.
უკვე პირველი კვირა არაა, რაც პრესა ავრცელებს ჭორებს იმის შესახებ, რომ ზაფხულში "იუნაიტედში" პორტუგალიელი ვარსკვლავის გადაბირებას ეცდება. გავრცელებული ჭორებისა და კრიშტიანუს ინტერვიუს ნაწილის თანახმად, სადაც იგი აცხადებს, რომ მადრიდში ძალიან ბედნიერი არაა, ფეხბურთელი გუნდის შეცვლაზე ფიქრობს.

თუმცა "რეალი", კლუბის სპორტული დირექტორის ემილიო ბუტრაგენიოს სიტყვებით, კატეგორიულად უარყოფს რონალდუს შესაძლო ტრანსფერს.

"რეალი" კრიშტიანუს გაყიდვას არც "მანჩესტერ იუნაიტედში" და არც რომელიმე სხვა კლუბში არ აპირებს. რონალდუს თამაშის დონე ჩვენ სავსებით გვაკმაყოფილებს. მიამიტობა იქნება იმის ვარაუდი, რომ "რეალი" გუნდის ლიდერის სხვა კლუბში გაშვებას მოინდომებს. ჩვენ ამაზე არც კი გვიფიქრია". – განაცხადა ბუტრაგენიომ.

წყარო: Daily Mail