ვინ გაწვრთნის "მანჩესტერ იუნაიტედს"? კითხვა რომელიც ბოლო ორი დღის განმავლობაში განსაკუთრებით აქtუალურია. ზოგიერთი საინფორმაციო წყაროს ცნობით ეს ადამიანი ანტონიო კონტე იქნება.

არსებობენ გამოცემები რომლებიც ფსონს ფრანგ სპეციალისტზე ზინედინ ზიდანზე ჩამოდიან. აქამდე გავრცელდა ცნობა იმის თაობაზე, რომ თითქოს ინგლისური გრანდის მესვეურებს, გუნდის ვარსკვლავმა კრიშტიანუ რონალდუმ საკუთარი მოსაზრება გაუზიარა და კლუბის მწვრთნელად ზიდანი ისურვა.

უახლეს ცნობას ავრცელებს Mundo Deportivo, რომლის თანახმადაც ფრანგმა "წითელი ეშმაკების" ჩაბარებაზე უარი განაცხადა, მიზეზი კი არის ის, რომ მას სამწვრთნელო საქმიანობისგან კიდევ რამოდენიმე ხნით სურს შესვენება.

რათქმაუნდა ზინედინი პროფესიის განახლებას გეგმავს, თუმცა არა ამ მომენტისათვის. გამომდინარე აქედან ლოგიკურია, რომ "იუნაიტედის" "შორთ-ლისთში" მთავარ ადგილს ანტონიო კონტე იკავებს.