კრიშტიანუ რონალდუ "ოლდ ტრაფორდზე" დაბრუნდა, 12 - წლის შემდეგ სუპერვარსკვლავი კვლავ "იუნაიტედის" ღირსებას დაიცავს. ტრანსფერი დადასტურებულია და ოფიციალურ სახეს სამედიცინო შემოწმების გავლის შემდეგ მიიღებს.

პორტუგალიელის ინგლისში დაბრუნებით "იუნაიტედის" გამომწერთა რიცხვი ინსტაგრამზე უმალ გაიზარდა. როგორც ხედავთ კრიშტიანუს გავლენა ინსტაგრამ გვერდზე თუ სხვა რომელიმე სოციალურ მიმდევრობაზე ძალიან დიდია.

ტრანსფერის ოფიციალურ გამოცხადებამდე "მანჩესტერ იუნაიტედს" ინსტაგრამზე 42,7 მილიონი გამომწერი ჰყავდა, ხოლო გამოცხადების შემდეგ "წითელი ეშმაკების" კლუბის გამომწერთა რიცხვმა 45,2 მილიონს მიაღწია.

როგორც ჩანს "რონალდუს ეფექტმა" ინგლისური გრანდისთვის მუშაობა უკვე დაიწყო. შეგახსენებთ, რომ სამედიცინო შემოწმების გავლის შემდეგ კლუბი რონალდუს წარდგენის ოფიციალურ ვიდეორგოლს გამოაქვეყნებს, თუ რა სახით იქნება ფეხბურთელის წარდგენა "ოლდ ტრაფორდზე" ამ ეტაპზე უცნობია.



წყარო: sports.ru