კატალონიის "ბარსელონას" ჰოლანდიელი შემტევი მემფის დეპაი, ჟურნალისტებისთვის მიცემულ ინტერვიუში "იუნაიტედში" გატარებულ დროს იხსენებს და აცხადებს, რომ "წითელი ეშმაკების" რიგებში მას უბრალოდ შანსი არ მისცეს.

"მე ბევრს ვფიქრობდი იმაზე, თუ რატომ წარიმართა ყველაფერი ცუდად. პირველ სეზონში ადაპტაცია მჭირდებოდა, მაგრამ ყველაფერი ისე არ გამოვიდა როგორც "პსვ" - ში.

ცოტაოდენი თვითდაჯერება დავკარგე, ამის შემდეგ კი ვან გაალმა და მისმა სამწვრთნელო შტაბმა ჩემს მიმართ ნდობა შეასუსტეს. ეს არ იყო ადვილი გადასატანი.

მომდევნო სეზონში ვიგრძენი, რომ გამოცდილება შევიძინე, თუმცა ამ დროს გუნდში ახალი მწვრთნელი ჟოზე მოურინიო მოვიდა, ძირითად შემადგენლობაში საკუთარი ადგილისათვის ვიბრძოდი, მაგრამ მეჩვენებოდა რომ ჟოზეს ფიქრებშიც კი არ სურდა ჩემი ძირითად შემადგენლობაში დაყენება, მას არცერთხელ ჩემთვის შანსი არ მოუცია.

მივედი მის კაბინეტში სასაუბროდ, მაგრამ ამან არაფერი შეცვალა. რთული პერიოდი იყო, მეგონა, კარგად ვვარჯიშობდი, პარტნიორებსაც არაფერი ესმოდათ ჩემი.

ზლატანი და პოგბა მეკითხებოდნენ თუ რატომ ვერ ვიღებდი დროს ძირითად შემადგენლობაში, ჩემთვის ეს იყო იმ ყველაფრის დადასტურება რაც ჩემს თავს ხდებოდა, მივხვდი რომ დიდ კლუბში პრაქტიკის გარეშე ყოფნა არ მსურდა.

თავიდან უნდა დამეწყო ყველაფერი და ყველასთვს დამემტკიცებინა რომ შემიძლია ვიყო ერთ - ერთი საუკეთესო. "იუნაიტედში" გრძელვადიანი კონტრაქტი და კარგი ანაზღაურება მქონდა, მაგრამ თავს კომფორტულად ვერ ვგრძნობდი.

კლუბი დავტოვე და ვფიქრობ ეს იყო საუკეთესო გადაწყვეტილება". - განაცხადა დასასრულს El Periodico - სთვის მიცემულ ინტერვიუში მემფის დეპაიმ