პრემიერ ლიგის 2021/22 წლების სეზონი გახსნილად გამოცხადდა. ინგლისის ჩემპიონატმა სტარტი გუშინ "არსენალისა" და "ბრენტფორდის" დაპირისპირებით აიღო. აღნიშნულ შეხვედრაში "მეთოფეები" დებიუტანტებთან 2-0 დამარცხდნენ.

ოლე გუნარ სოლსკიაერის "მანჩესტერ იუნაიტედი" პრემიერ ლიგის პირველ ტურს "ოლდ ტრაფორდზე" მარსელო ბიელსას "ლიდსის" წინააღმდეგ დაიწყებს.

ნორვეგიელი მენეჯერის გუნდში ახალი სახეებია, მეკარე ტომ ჰიტონი, გარემარბი ჯეიდონ სანჩო და ცენტრალური მცველი რაფაელ ვარანი გუნდს მიმდინარე სატრანსფერო ფანჯარაზე შეუერთდნენ.

დიდი ალბათობით დღევანდელ შეხვედრას ფრანგი უკანახაზელი გამოტოვებს, რაც შეეხება ჯეიდონ სანჩოს ის გუნდთან ერთად იქნება თუმცა შეძლებს თუ არა შეხვედრაში მონაწილეობას უცნობია, ხოლო ტომ ჰიტონი სავარაუდოდ მატჩის განაცხადში იქნება.

დიდი ამბიციების მქონე "წითელი ეშმაკების" ნაკრები საქმეში ერთვება, შეძლებენ თუ არა სეზონის სტარტის ხმაურიან დაწყებას ნორვეგიელი მენეჯერის შეგირდები თბილისის დროით 15:30 სთ - ზე იხილავს გულშემატკივარი.