"მანჩესტერ იუნაიტედმა" "შანხაი შენჰუაშიდან" ნიგერიელი ფორვარდი, ოდიონ იგალო დაიმატა. ინფორმაცია კლუბის ოფიციალურმა ვებ-გვერდმა დაადასტურა. 30 წლის ფეხბურთელი კლუბს იჯარის წესით შეუერთდა და "იუნაიტედში" სეზონის ბოლომდე დარჩება.

გასულ სეზონში იგალომ 19 შეხვედრაში 10 გოლის გატანა და 2 საგოლე გადაცემის გაკეთება მოახერხა. ნიგერიელი ფეხბურთელი პრემიერ ლიგაში "უოტფორდის" ღირსებას იცავდა. მის ანგარიშზე 55 შეხვედრა, 17 გოლი და 6 საგოლე გადაცემაა.