"მანჩესტერ იუნიატედის" მცველი,მარკოს როხო აპირებს შეუერთდეს არგენტინულ კლუბ "ესტუდიანტეს".

"მანჩესტერმა" როხო 2014 წელს "სპორტინგიდან" 16 მილიონ ფუნტად გადმოიბირა,მას შემდეგ არგენტინელი ვერა და ვერ ახერხებდა ძირითადის უცვლელი წევრი გამხდარიყო.მან ბოლო მატჩი "ბრაიტონის" წინააღმდეგ ჩაატარა,სადაც მან ვილიამსი შეცვალა.ეს დაპირისპირება "იუნიატედმა" 3-1 მოიგო.

ოლე გუნარ სოლსკაიერმა კი სამშაბათს განაცხადა,რომ როხო ამ სატრანსფერო ფანჯარაზე არ დატოვებდა გუნდს,მაგრამ ზაფხულისთვის სავარაუდოა,რომ არგენტინელმა გუნდი შეიცვალოს და საკუთარ ქვეყანაში დაბრუნდეს სათამაშოდ.

როხომ რამოდენიმე პოზიციაზე ითამაშა "მანჩესტერში",მას მარცხენა განაპირა მცველადაც უთამაშია და ასევე ცენტრალური მცველადაც.ბოლო ორი წლის განმავლობაში კი სულ რაღაც 13 თამაშის ჩატარება მოახერხა.არგენტინელის კონტრაქტი 2021 წლის ზაფხულამდეა გაწერილი.