“მანჩესტერ იუნაიტედის” მწვრთნელი ოლე გუნარ სოლკაიერი ”ზალცბურგის” პერსპექტიულ, ახალგაზრდა, თავდამსხმელ ერლინგ ჰოლანდზე საუბრობს. მისი თქმით ჰოლანდს უკვე გადაწყვეტილი აქვს თუ სად გააგრძელებს იგი კარიერას.

19 წლის თავდამსხმელი ერთ-ერთი ყველაზე მოთხოვნადი ფეხბურთელია. მან წლევანდელ სეზონში უკვე 28 გოლის გატანა მოასწრო.

სოლსკაიერი ჰოლანდთან ერთად “მიოლდეში” მუშაობდა, იგი ორი წლის განმავლობაში წვრთნიდა მას. ერლინგის სადებიუტო შეხვედრა 16 წლის ასაკში შედგა. ვრცელდება ჭორები, რომ სოლსკაიერი ავსტრიაში პირადად მასთან დასალაპარაკებლად ჩავიდა.

“მან უკეთ იცის, თუ რა უნდა გააკეთოს და რა უნდა მოიმოქმედოს მომავალში”-განაცხადა სოლსკაიერმა, როდესაც მას ჰკითხეს, თუ რა რჩევას მისცემდა ახალგაზრდა თავდამსხმელს. “მე სხვა რჩევა არ მაქვს სხვა გუნდის ფეხბურთელებისთვის” - განაცხადა ნორვეგიელმა.

“იუნაიტედის” გარდა ჰოლანდით დაინტერესებულია როგორც “დორტმუნდი“,ასევე “ლაიფციგიც”.მისი აგენტი კი მინო რაიოლაა, რომელიც ასევე ზლატან იბრაჰიმოვიჩისა და პოლ პოგბას აგენტია.

ჯერ “იუნაიტედს” ოფიციალური შეთავაზება არ გაუკეთებია, მაგრამ “მანჩესტერ იუნაიტედში” გეგმავენ, რომ ზამთრის სატრანსფერო ფანჯარაზე გადმოიბირონ “ზალცბურგის” თავდამსხმელი. სოლსკაიერის აზრით,ჰოლანდი სრულიად ამოავსებს იმ დანაკლის რაც რომელუ ლუკაკუს გაშვების შედეგად გაჩნდა გუნდში.