20 ოქტომბერს, პრემიერ ლიგის მე-9 ტურის ცენტრალური მატჩი "ოლდ ტრაფორდზე" შედგება, სადაც "მანჩესტერ იუნაიტედი" "ლივერპულს" დაუპირისპირდება.
შეხვედრის მთავარი არბიტრი მარტინ ატკინსონი იქნება. 48 წლის არბიტრმა მიმდინარე სეზონში 7 მატჩში იმსაჯა, სადაც ფეხბურთელებს 25 ყვითელი ბარათი უჩვენა და 3 თერთმეტმეტრიანი დანიშნა. 2019-20 წლის სეზონში, ატკინსონმა "იუნაიტედის" ერთ შეხვედრაში უკვე იმსაჯა, რომელიც "ლესტერის" წინააღმდეგ შედგა. აღნიშნული მატჩი "იუნაიტედმა" მარკუს რეშფორდის ზუსტად შესრულებული თერთმეტმეტრიანის წყალობით მოიგო.