"მანჩესტერ იუნაიტედის" ნორვეგიელმა დამრიგებელმა ოლე გუნარ სოლსკიაერმა ჟურნალისტებისტვის მიცემულ ინტერვიუში კიდევ ერთხელ ისაუბრა კლუბის ფრანგი ნახევარმცველის პოლ პოგბას შესახებ და განაცხადა, რომ "იუნაიტედი" ფეხბურთელის გასხვისებას არ აპირებს.
გასული ზაფხულის სატრანსფერო ფანჯარაზე, სპორტული პრესა აქტიურად წერდა იმის შესახებ, რომ პოლ პოგბას შეძენით აქტიურად მადრიდის "რეალი" ინტერესდებოდა. ნახევარმცველის გადაბირებით პირადად იყო დაინტერესებული მადრიდელთა ფრანგი მენეჯერი ზინედინ ზიდანი.
თუმცა, საბოლოო ჯამში 2018 წლის მსოფლიო ჩემპიონატის ტრიუმფატორმა ფეხბურთელმა "ოლდ ტრაფორდზე" დარჩენა და ოლე გუნარ სოლსკიაერის თაოსნობით მუშაობის გაგრძელება არჩია.
"პოლ პოგბა არსად წასვლას არ აპირებს, მადრიდის "რეალის" პრეზიდენტის სიტყვები არ მაინტერესებს, მე მას არ ვუსმენ. ის ბედნიერია იქ სადაც ამჟამად ასპარეზობს". - ციტირებს Goal-ი სოლსკიაერის სიტყვებს.