"მანჩესტერ იუნაიტედის" ჩილელი შემტევი ალექსისი სანჩესი "მანჩესტერული" კარიერის დასრულებასთან ძალიან ახლოსაა.
რომელუ ლუკაკუს შემდეგ, ჩილელის ბედს ისევ იტალიურ "ინტერს" უკავშირებენ.
"მანჩესტერ იუნაიტედის" მთავარი მწვრთნელი ოლე გუნარ სოლსკიაერი ჟურნალისტებისთვის მიცემულ ინტერვიუში სანჩესის შესაძლო ტრანსფერის თემას შეეხო და მისი გუნდიდან წასვლა არ გამორიცხა.
"ალექსისი კარგი ფეხბურთელია, ჩვენ არ გვაქვს ბევრი ვარიანტი შეტევის ხაზში. თუ ჩვენ, მის თაობაზე მივიღებთ კარგ შეთავაზებას, რომელიც მოგვეწონება ჩვენ და თავად ფეხურთელსაც, მას წასვლა შეეძლება, წინააღმდეგ შემთხვევაში ის "მანჩესტერ იუნაიტედში" დარჩება". - ციტირებს ნორვეგიელის სიტყვებს Evening Standard- ი.