"მანჩესტერ იუნაიტედმა" ჰარი მაგუაიერის ტრანსფერი დაადასტურა. "წითელმა ეშმაკებმა" ინგლისელ ფეხბურთელთან 6-წლიანი კონტრაქტი გააფორმა. როგორც ცნობილია, ფეხბურთელი ხელფასის სახით წელიწადში 5,5 მილიონ ფუნტს მიიღებს.

26 წლის ფეხბურთელის სანაცვლოდ მანჩესტერულმა კლუბმა 80 მილიონი ფუნტი გადაიხადა, რითაც მაგუაიერი ყველა დროის ყველაზე ძვირადღირებულ მცველად იქცა. აქამდე ეს რეკორდი ვირჯილ ვან დეიკს ეკუთვნოდა, , რომელიც 2018 წლის დასაწყისში "ლივერპულმა" "საუთჰემპტონისგან" 75 მილიონ ფუნტად შეიძინა.

"ბედნიერი ვარ, რომ "იუნაიტედში" მოვხვდი. მინდა, "ლესტერსა" და მის გულშემატკივრებს მადლობა გადავუხადო ფანტასტიკური მხარდაჭერისთვის. როდესაც "მანჩესტერ იუნაიტედი" გიწვევს, არაჩვეულებრივი შესაძლებლობები გიჩნდება." - განაცხადა "იუნაიტედის" ახალწვეულმა.