"მანჩესტერ იუნატედის" ფრანგი ნახევარმცველი პოლ პოგბა "ოლდ ტრაფორდის" დატოვებასთან ძალიან ახლოსაა.
აქამდე ვრცელდებოდა ინფორმაციები, რომ ფეხბურთელის გაყიდვას კლუბი არ დაუშვებდა, თუმცა ოლე გუნარ სოლსკიაერმა საბოლოო ჯამში მისი გაყიდვის გადაწყვეტილება მიიღო.
ცნობილია "მანჩესტერ იუნაიტედის" ფეხბურთელების პოზიცია პოლ პოგბას ტრანსფერის შესახებ. მოთამაშეებს სურთ, რომ 26- წლის ნახევარმცველმა კლუბი დატოვოს, მათი აზრით ეს ყველაფერი კი გუნდის სამომავლო გეგმებზე დადებითად აისახება. ინფორმაციას - Daily Mail-ი ავრცელებს.
პოგბას შეძენის მთავარ პრეტენდენტებად მადრიდის "რეალი" და ტურინის "იუვენტუსი" სახელდებიან. "წითელ ეშმაკებთან" პოგბას კონტრაქტი 2021 წლამდეა გათვლილი.
გასულ სეზონში, ფრანგის ანგარიშზე 35 ჩატარებულ პრემიერლიგურ შეხვედრაში, 13 გოლი და 9 საგოლე გადაცემაა.