"მანჩესტერ იუნაიტედის" ფრანგი ნახევარმცველი პოლ პოგბა, კლუბიდან ხელმეორედ წასვლასთან ძალიან ახლოსაა. პოლის ხედვები, რომ კლუბის სამომავლო ხედვებს არ ეთანხმებოდა ალბათ ეს ნათელი მას შემდეგ გახდა როდესაც, ფრანგმა ჟურნალისტებისთვის მიცემულ ინტერვიუში განაცხადა, რომ რაიმე ახლის დაწყების დრო დადგა.
ცალსახაა, რომ პოგბას, ოლე გუნარ სოლსკიაერის და მისი სამომვლლო გეგმების არ სჯერა, როგორც ჩანს ფრანგი ევროპა ლიგაზე თამაშსაც ერიდება, ერიდება იმ კრიზისს, რაც ამ ეტაპზე ინგლისის ყველაზე ტიტულოვან კლუბს აქვს. ეს მის საერთო მენტალიტეტზე როგორ აისახება თავად განსაჯეთ - პოგბა გაქცევას ცდილობს!
აქამდე გავრცელდა ინფორმაცია რომლის თანახმადაც, პოგბას "იუნაიტედიდან" წასვლას კლუბის მენეჯმენტი და თავად ოლე გუნარ სოლსკიაერიც დაბლოკავდა, მეტიც ნორვეგიელი და კლუბი ფეხბურთელს სრულ კომფორტს სთავაზობდა, გაზრდილი ხელფასი, კლუბში გავლენა, კაპიტნის სამკლაური - ალბათ მეტი რა უნდა ინატროს პოგბას დონის მოთამაშემ თუმცა არა, მას წასვლა მაინც სურს.
სწორედ ამ ყველაფრის ფონზე, "გლეზერების" კლუბმა მიიღო გადაწყვეტილება რომელიც სამომავლოდ კლუბისთვის იქნება ხელსაყრელი, სრულიად "იუნაიტედის" ხელმძღვანელობა ოლე გუნარ სოლსკიაერის თაოსნობით მზადაა გუნდიდან პოლ პოგბა გაუშვას. დიდი ალბათობით ნახევარმცველი კარიერას ტურინის "იუვენტუსში" ან მადრიდის "რეალში" გააგრძელებს.