"მანჩესტერ იუნაიტედის" ბელგიელი თავდამსხმელი რომელუ ლუკაკუ კარიერას დიდი ალბათობით იტალიის სერია ა-ში გააგრძელებს. ფეხბურთელმა პირადი კონტრაქტის დეტალები უკვე შეათანხმა მილანის "ინტერთან". - იუწყება - Gazzetta dello Sport.
"იუნაიტედიდან" ჟოზე მოურინიოს წასვლის შემდეგ, რომელუს მომავალი "ოლდ ტრაფორდზე" კითხვის ნიშნის ქვეშ დადგა.
გუნდის ახალმა თავკაცმა ოლე გუნარ სოლსკიაერმა ლუკაკუს ნაცვლად ნდობა მარკუს რეშფორდს გამოუცხადა, თუ არ ჩავთვლით გამონაკლის მატჩებს, როგორც ჩანს ნორვეგიელის გეგმებში რომელუ ლუკაკუს მომსახურება აღარ შედის.
რაც შეეხება "ინტერის" მიერ შეთავაზებულ წინადადებას, მილანური კლუბი თავდამსხმელს წლიური ანაზღაურების სახით 7,5 მილიონ ევროს გადაუხდის, ხოლო ხელშეკრულების ხანგრძლივობა 2024 წლამდე იქნება გათვლილი.
ინგლისურ მხარეს ტრანსფერიდან არანაკლებ 70 მილიონი ევროს მიღება სურს.