ბულგარელი ფეხბურთელის აზრით, "იუნაიტედი" ახალმა მწრთვნელმა, კერძოდ, მაურისიო პოჩეტინომ უნდა ჩაიბაროს.
ბერბატოვის აზრით, "ტოტენჰემის" მწრთვნელმა კომფორტის ზონა უნდა დატოვოს და "იუნაიტედში" ახალი ისტორიის დასაწერად გადაბარგდეს. "ახლა "ტოტენჰემისთვის" ყველაფერია შესაძლებელი, მაგრამ ეს მაინც "მანჩესტერ იუნაიტედია". ეს გერბი, ეს ისტორია, დიდებული ფეხბურთელები წარსულში, "ოლდ ტრაფორდი"... ეს ყველაფერი ჯერ კიდევ დიდი ძალაა."
"შეიძლება იფიქროთ, რომ "ტოტენჰემი" ჩემპიონთა ლიგაზე თამაშობს, ახალი სტადიონი, შესანიშნავი სავარჯიშო მოედანი, უკეთესი ფეხბურთელები... მაგრამ საბოლოოდ, მე მაინც "იუნაიტედს" ავირჩევდი."
"იუნაიტედი" იპოვნის თავის გზას. ახლა კარგად არ გრძნობენ თავს, მაგრამ შეძლებენ თუ არა ხუთ წელიწადში ტიტულების მოგებას? დიახ. სწორედ ამიტომ მოვაწერე ხელი მათ კონტრაქტს და ყოველთვის ვიცოდი, რომ ამას შეძლებდნენ."
"ხანდახან აუცილებელია, რომ შენი კომფორტული ზონიდან გამოხვიდე, თუნდაც მაშინ, როცა შედეგების გეშინია."
"ეს გამოცდა საკუთარ თავს აუცილებლად უნდა ჩაუტარო. პოჩეტინო "იუნაიტედის" მწრთვნელი უნდა გახდეს," - განაცხადა ბერბატოვმა.