სამშაბათს, "კამპ ნოუ" ჩემპიონთა ლიგის მეოთხედფინალური ეტაპის განმეორებით შეხვედრას უმასპინძლებს, რომელშიც ადგილობრივი "ბარსელონა" "მანჩესტერ იუნაიტედს" დაუპირისპირდება.
მატჩის მთავარი მსაჯი გამოცდილი გერმანელი, ფელიქს ბრიხი იქნება, ხოლო მისი ასისტენტები მარკ ბორში და შტეფან ლუპი იქნებიან. მეოთხე არბიტრად პაველ კრალოვეცი მოგვევლინება, ხოლო ვიდეორეფერის სამუშაოს ბასტიან დანკერტი და მისი ასისტენტი, მარკო ფრიტცი შეასრულებენ.
ბრიხმა ჩემპიონთა ლიგაზე "იუნაიტედის" შეხვედრაში ერთხელ უკვე იმსაჯა, როდესაც ჯგუფურ ეტაპზე, "წითელი ეშმაკებმა" "ოლდ ტრაფორდზე" "იანგ ბოიზს" უმასპინძლეს.
ჩემპიონთა ლიგის მიმდინარე სეზონში გერმანელმა 3 შეხვედრა განსაჯა, სადაც ფეხბურთელებს 13 ყვითელი და 1 წითელი ბარათი უჩვენა. 43 წლის არბიტრმა აღნიშნულ შეხვედრებში 3 თერთმეტმეტრიანი დანიშნა.