დღეს "იუნაიტედმა" "ტოტენჰემი" დაამარცხა, თუმცა რომ არა დავიდ დე ხეა, შესაძლოა "წითლებისთვის" ეს მატჩი არც თუ ისე სახარბიელო ანგარიშით დამთავრებულიყო. ესპანელმა კიპერმა 11 გამაოგნებელი სეივი გააკეთა და, საბოლოოდ, გუნდს სამი ქულა მოუტანა. ოლე გუნარ სოლსკიაერი კი კვლავ დაუმარცხებელია.
"ჩვენ მატჩი უმაღლესი კლასის გუნდის, "ტოტენჰემის" წინააღმდეგ მოვიგეთ. პირველ ტაიმს კარგად ვაკონტროლებდით, თუმცა მეორე ნახევარში ძალიან დიდი წნეხის ქვეშ ვიგრძენით თავი. ძალიან კარგად ვგრძნობდი თავს თითოეული სეივის შემდეგ, საოცარი მატჩი ვაჩვენეთ."
"არც კი მახსოვს რამდენიმე სეივი, ასე რომ საუკეთესოს ვერ გამოვარჩევ. მენეჯერმა გუნდში ბედნიერება მოიტანა, ბიჭები კარგად თამაშობენ და გუნდი ახლა ძალიანაა გაძლიერებული."
"ჩვენ ვიცით როგორ უნდა ვაკონტროლოთ თამაში, როგორ შევინარჩუნოთ ბურთი, როგორ შევქმნათ მომენტები... ეს ყველაფერი ჩვენთვის ძალიან კარგია. ეს არის ნამდვილი "მანჩესტერ იუნაიტედი",-დაასრულა დევიდმა.