"მანჩესტერ იუნაიტედი" დიოგო გოდინითა და ნიკოლა მილენკოვიჩით ინტერესდება. "წითლები" მის შეძენას იანვრის სატრანსფერო ფანჯარაზე შეეცდებიან.

რაც შეეხება ედერ მილიტაოს, მისთვის "ლივერპული", "რეალ მადრიდი" და "მანჩესტერ იუნაიტედი" იბრძოლებენ. "პორტოს" მარჯვენა მცველს 42,5 მილიონ ფუნტად აფასებენ.

გარდა ამისა, "მანჩესტერ იუნაიტედი" "რომას" ცენტრალური მცველით კოსტას მანოლასითაც ინტერესდება. მისი კონტრაქტის გასაწყვეტად "იუნაიტედს" 30,5 მილიონი ფუნტის გადახდა მოუწევს დამატებით.

"მანჩესტერ იუნაიტედი" და "პსჟ" გასულ სატრანსფერო ფანჯარაზე სერბი ნახევარმცველით მილინკოვიჩ-სავიჩით ინტერესდებოდნენ. თუმცა "ლაციომ" ის 90 მილიონ ფუნტად შეაფასა, რაზეც "იუნაიტედმა" უარი განაცხადა.

როგორც პრესაში იწერება, ოლე გუნარმა ედ ვუდვორდთან უკვე გაიარა კონსულტაცია ნიკოლა მილენკოვიჩის შეძენის შესახებ. 21 წლის მცველი "წითლებს", სავარაუდოდ, 45 მილიონი ფუნტი დაუჯდებათ. მან 18 მატჩი ჩაატარა იტალიის ჩემპიონატში და თითოეულ მათგანში გულშემატკივარი მოხიბლა.


წყარო: SkySports