"მანჩესტერ იუნაიტედის" მთავარი მწვრთნელი ჟოზე მოურინიო მიიჩნევს, რომ პოლ პოგბამ პროფესიონალიზმი გამოავლინა, როცა თამაშში შეცვლაზე შესვლის შედეგად ერთვებოდა.

ფრანგი ნახევარმცველი ჩემპიონთა ლიგაზე "სევილიასა" და პრემიერ ლიგაში "ჰადერსფილდთან" შეხვედრების ძირითად თერთმეტეულში ვერ მოხვდა და თამაშში მხოლოდ მოგვიანებით ჩაერთო.

მოურინიოს ასეთი გადაწყვეტილება კი გამოწვეული იყო იმით, რომ პოგბა თავისთვის ჩვეულ თამაშს ვერ აჩვენებდა, თუმცა პრესა ასევე საუბრობს მწვრთნელსა და ფეხბურთელს შორის უთანხმოებაზე.

ერთი რამ კი ცხადია, მოურინიო კმაყოფილია ფრანგის პროფესიონალიზმით და საქმისადმი მის მიდგომას აქებს.

"ვფიქრობ, პროფესიონალიზმი გამოავლინა ორივე შემთხვევაში, როცა სათადარიგოთა სკამზე მოხვდა. "ჰადერსფილდის" წინააღმდეგ პრემიერ ლიგაში სათადარიგოთა სკამზე იყო და პროფესიონალიზმი აჩვენა. სევილიაში სათადარიგოთა სკამზე იყო და ასევე მოიქცა.

"სევილიას" წინააღმდეგ თამაში თქვენც იხილეთ - ვფიქრობ, ყოველთვის უფრო რთულია სათადარიგოთა სკამიდან შემოსვლა, ვიდრე სასტარტო შემადგენლობაში მოხვედრა. მოთამაშე სულ სხვაგვარად ემზადება, როცა თავიდანვე იწყებს და გახურების გარეშე 15 თუ 20 წუთში თამაშში ჩართვა და მატჩის რიტმის შენარჩუნება ადვილი არ არის.

ჩემი აზრით, მან კარგად ითამაშა და ზოგჯერ დეტალები უბრალოდ დეტალებია, ხოლო ზოგჯერ ფეხბურთელს ხუთი წუთი სჭირდება იმისათვის, რომ შეცვლაზე შესვლისთვის მოემზადოს. მათ არ უკეთიათ სამუხლეები, არ აცვიათ გეტრები და მაისური. მას კი 10 წამი დასჭირდა იმისათვის, რომ მოედანზე შესასვლეად მზად ყოფილიყო, რაც მის პროფესიონალიზმზე მიუთითებს."

წყარო: manutd.com