"ინდეპენდიენტის" მტკიცებით "იუნაიტედი" ზაფხულში ცენტრალური ნახევარმცველის შეძენას შეეცდება და ნომერ პირველ კანდიდატურად ტონი კროოსს განიხილავს, რომლის შეძენასაც 2014 წლის ზაფხულის სატრანსფერო ფანჯარაზეც ცდილობდა, მაგრამ გერმანელმა მადრიდში გადაბარგება არჩია.

რთული იქნება ამ ტრანსფერის განხორციელება ამჯერადაც, რადგან გერმანელი ძირითადი შემადგენლობის უცვლელ წევრად ითვლება და მეტ წილად სწორედ მისი ლუკა მოდრიჩისა და კაზემიროს კარგი თამაშის დამსახურებაა ბოლო ოთხ წელში სამი მოგებული ჩემპიონთა ლიგა.

იმ შემთხვევაში თუ "მადრიდის რეალი" არ მოისრვებს საკუთარი ლიდერის გასხვისებას, რომელსაც კლუბთან კონტრაქტი 2021-2022 წლამდე აკავშირებს, "იუნაიტედი" გადაერთვება "დორტმუნდის ბორუსიას" ახალგაზრდა ნახევარმცველ იულიან ვაიგლზე.

ტრანსფერის განხორციელების შემთხვევაში სავარაუდოდ "განსაკუთრებული" სამ ნახევარმცველიან ტაქტიკაზე გადაერთვება და კროოსს, ნემანია მატიჩის და პოლ პოგბას შორის გაამწესებს. აქამდე გავრცელებული ინფორმაციით პოგბასა და მოურინიოს შორის გაჩენილი უთანხმოება სწორედ ტაქტიკის შეცვლის მოთხოვნამ გამოიწვია ფრანგის მხრიდან, რომელიც თავის მხრივ საკუთარ თავს სწორედ 3 ნახევარმცველიან ტაქტიკაში ხედავს.




წყარო: www.independent.co.uk/sport