როგორც ცნობილი გამოცემა The Telegraph - იუწყება, "მეთოფეების" ჩილელმა შემტევმა ალექსის სანჩესმა "იუნაიტედთან" კონტრაქტი უკვე გააფორმა. სანჩესის პირადი ხელშეკრულება "წითლებთან" ოთხნახევარ წლიან ვადას მოიცავს, ამ ხნის განმავლობაში, ფეხბურთელი ყოველწლიურად 14 მილიონ ევროს მიიღებს პირად ანგარიშზე.

უკანასკნელი დღეების განმავლობაში იწერებოდა, რომ ჩილელმა პირად კონტრაქტზე შეთანხმებას "წითელ ეშმაკებთან" უკვე მიაღწია და სწორედ დღეს, ბრიტანულ გამომცემლობამ ეს ინფორმაცია საჯარო გახადა.

წყაროს ცნობით, ასევე მხარეები მხითარიანის გადაწყვეტილებას ელოდებიან, რომელმაც თავის მხრივ არჩევანი უნდა გააკეთოს, რათა ტრანსფერი საბოლოოდ გაოფიციალურდეს. გაჟონა ინფორმაციამ, რომ ჰენრიკს სურს გახდეს "არსენალის" ყველაზე მაღალანაზღაურებადი მოთამაშე.

ჟურნალისტებმა ასევე გაიხსენეს ფაქტი, რომელიც რამოდენიმე წლის უკან მოხდა, კერძოდ: მხითარიანი ჯერ კიდევ მაშინ როდესაც "დორტმუნდის" ღირსებას იცავდა, გამოთქვა სურვილი, რომ ერთ დღესაც სურდა "არსენალის ღირსება დაეცვა. ეს ინფორმაცია УЕФА - ს ოფიციალურ ვებ გვერდზე იქნა განთავსებული 2009 წელს.

"ჩემთვის სასურველი კლუბი ინგლისის "არსენალია". მე მომწონს მათი შეტევის სტილი, ისინი სწრაფად მოქმედებენ. გარდა ამისა, მათი მთავარი მწვრთნელი არსენ ვენგერი, ახალგაზრდა ფეხბურთელებს ნდობას უცხადებს, ამავე დროს მათგან შედეგიანობას მოითხოვს. მე ეს მომწონს და ერთხელაც მინდა მათ შემადგენლობაში ვიყო".- განაცხადა მხითარიანმა 2009 წლის ინტერვიუში.



წყარო: manutd.ru