ჟოზე მოურინიო გარეტ ბეილის შეძენაში დარწმუნებულია.

ესპანური Don Balon-ის თანახმად პორტუგალიელი სპეციალისტი დარწმუნებულია, რომ უელსელ ვინგერს მიმდინარე სატრანსფერო ფანჯარაზე აუცილებლად დაიმატებს. ადრე გავრცელებული ხმების თანახმად კილიან მბაპეს შეძენის შემთხვევაში გარეტ ბეილი კლუბს დატოვებდა და 100 მილიონი ევროს სანაცვლოდ "მანჩესტერ იუნაიტედს" შეუერთდებოდა. ჯერჯერობით უცნობია, თუ რამდენად შეესაბამება გავრცელებული ინფორმაცია სიმართლეს, მაგრამ ფაქტია, რომ გარეტ ბეილი ზინედინ ზიდანის "რეალ მადრიდის" მთავარ ფიგურად ვერანაირად ვერ ჩამოყალიბდა.

ინგლისური მხარე იმედოვნებს, რომ ბეილს ისინი მიმდინარე სატრანსფერო ფანჯრის დახურვამდე აუცილებლად დაიმატებენ, რადგანაც ზიდანი კილიან მბაპეს დიდი გულშემატკივარია და მზადაა მისი მოსვლის შემთხვევაში გარეტ ბეილს დაემშვიდობოს.