"მანჩესტერ იუნაიტედმა" ლივერპულის "ევერტონიდან" რომელო ლუკაკუ დაიმატა. ბელგიელმა კლუბთან 5+1 წლიან კონტრაქტს მოაწერა ხელი.
ჟოზე მოურინიო: "რომელო ლუკაკუ ის ფეხბურთელია რომელიც უნდა თამაშობდეს მანჩესტერში, ის ჩვენს გუნდს არაჩვეულებრივად ერგება. ლუკაკუ დიდი პიროვნება და დიდი ფეხბურთელია. მას მსოფლიოს საუკეთესო გუნდში სურს თამაში და განვითარება. ის ჩვენი გუნდისთვის დიდებული დანამატია. ფეხბურთელები მისი მოსვლით მოხარულნი იქნებიან. მასთან კიდევ ერთხელ მუშაობას მოუთმენლად ველოდები."
რომელო ლუკაკუ: "პირველ რიგში დავიწყებ იმით, რომ მინდა მადლობა გადავუხადო "ევერტონის" გულშემატკივრებს იმ მოგონებებისა და დროისთვის, რომელიც ჩვენ ერთად გავატარეთ. როდესაც "მანჩესტერ იუნაიტედი" და ჟოზე მოურინიო გეძახის ეს ცხოვრების მიერ შემოთავაზებული შანსია და მე მისი უარყოფა არ შემეძლო. მე ვხედავ ამ გუნდის მიზანდასახულობასა და მონდომებას და მინდა ვიყო მისი ნაწილი. მოუთმენლად ველოდები "ოლდ ტრაფორდზე" 75 000 გულშემატკივრის წინ თამაშს, თუმცა მანამდე წინასასეზონო თამაშებია და მინდა რაც შეიძლება მალე შევუდგე გუნდთან ერთად ვარჯიშს."