"მანჩესტერ იუნაიტედის" შემდეგი მთავარი სამიზნე Independent -ის აზრით კოლუმბიელი ხამეს როდრიგეზია.
ედ ვუდვორდმა უკვე მოაგვარა რომელო ლუკაკუს ტრანსფერი. ეს იმას ნიშნავს, რომ "იუნაიტედი" "რეალისგან" მორატას აღარ შეიძენს და ისინი მთლიანად გადაერთვებიან კოლუმბიელის ტრანსფერზე.
უკვე გადაწყვეტილია, რომ უეინ რუნი კარიერას "ევერტონში" გააგრძელებს. სწორედ მის შემცვლელად მოიაზრებს ხამეს როდრიგეზს პორტუგალიელი სპეციალისტი.
"მანჩესტერში" ვარაუდობენ, რომ ხამესის შეძენა მათ €60 მილიონი დაუჯდებათ. ინგლისელები მზად არიან ამ თანხის გადასახდელად. ამას ემატება ფეხბურთელის სურვილიც, რადგანაც ხამესს ნაკლები სათამაშო დროის გამო "რეალის" დატოვება სურს. სწორედ ამიტომ გუნდში ვარაუდობენ რომ მიმდინარე სატრანსფერო ფანჯრის დახურვამდე ისინი აუცილებლად შეძლებენ კოლუმბიელის დამატებას.