Manchester Evening News-ის ინფორმაციით, ანტუან გირზმანი ზაფხულის სატრანსფერო ფანჯარაზე "მანჩესტერ იუნაიტედს" შეუერთდება. წყაროს ინფორმაციით, ტრანსფერი თითქმის დასრულებულია და "ატლეტიკო" ფრანგის სანაცვლოს 100 მილიონ ევროს მიიღებს, ეს სწორედ ის რაოდენობაა, რომელიც გრიზმანის კონტრაქტშია შეტანილი გამოსასყიდ თანხად.

ენრიკე სერესომ, "ატლეტიკოს" პრეზიდენტმა მზადყოფნა გამოხატა გრიზმანის შესანარჩუნებლად ბრძოლისათვის და მანვე დაადასტურა, რომ "იუნაიტედი" ერთ-ერთი კლუბია მრავალთა შორის, რომელთაც ფრანგის შეძენა სურთ.

თავდამსხმელს, რომელსაც "ოლდ ტრაფორდზე" 7-ნომრიან მაისურს მისცემენ, ახლო ურთიერთობა აქვს "იუნაიტედის" ნახევარმცველ პოლ პოგბასთან და ეს ერთ-ერთი მთავარი ფაქტორია 25 წლის ფეხბურთელის გადაბირებისა.

ჟოზე მოურინიო კი აღნიშნავს, რომ სატრანსფერო ფანჯარაზე უმთავრესად ხარისხს მოძებნის. როგორც ჩანსს პორტუგალიელმა მიზანს უკვე მიაღწია და ფრანგი ფეხბურთელი მის გუნდში გადაიბირა.

გრიზმანს "ატლეტიკოსთან" მოქმედი კონტრაქტი 2021 წლამდე აკავშირებს, რომელიც გასულ წელს განაახლა.