26 წლის დე ხეას გადასვლა "სანტიაგო ბერნაბეუზე" 19 თვის წინ სატრანსფერო ფანჯრის ბოლო დღეს უნდა შემდგარიყო, მაგრამ დოკუმენტების მოუგვარებლობის გამო ტრანსფერი არ შედგა.
დე ხეას კონტრაქტი "ოლდ ტრაფორდთან" 2019 წლამდე აკავშირებს და მიუხედავად იმისა, რომ "რეალის" ერთი მცდელობა მისი გადაბირებისა, კრახით დასრულდა, არ წყდება ჭორები იმის თაობაზე, რომ მადრიდულ გრანდს დავიდის სამშობლოში დაბრუნება სურს.
ანდერ ერერამ დე ხეასთან დაკავშირებით გავრცელებულ ჭორებზე კომენტარი გააკეთა და ესპანელის გუნდში დარჩენის სურვილი გამოთქვა.
"ვცდილობ, დე ხეასა და მადრიდის" რეალის" თემაზე არ ვისაუბრო. ამ დროის მანძილზე მან ბევრი რამ ისწავლა. მსურს, "მანჩესტერ იუნაიტედის" კარი რაც შეიძლება დიდ ხანს დაიცვას, იმედი მაქვს, რომ ასეც იქნება, თუმცა ფეხბურთში ყველაფერი ხდება" - განაცხადა ერერამ.