ჟოზე მოურინიომ განაცხადა, რომ უეინ რუნის ტრავმა აქვს და მისი მონაწილეობა ევროპა ლიგის საპასუხო მატჩში და ლიგის თასის ფინალში საეჭვოა.

"მანჩესტერ იუნაიტედის" კაპიტანმა "ბლექბერნთან" ინგლისის თასის ეგიდით გამართულ მატჩში ვერ მიიღო მონაწილეობა, რისი მიზეზიც, მოურინიოს თქმით, ტრავმა გახდა.

დავიდ დე ხეასა და ანტონიო ვალენსიას დასვენების საშუალება მიეცათ და ოთხშაბათს "სენტ-ეტიენთან" დაბრუნებას შეძლებენ.

მაგრამ რუნი და ფილ ჯონსი, რომელმაც ბოლო ოთხი მატჩი ტერფის ტრავმის გამო გამოტოვა, სავარაუდოდ, ვერ ითამაშებენ.

"დავიდ დე ხეა დავასვენე. რუნი ტრავმირებულია. ფილ ჯონსიც ტრავმირებულია. არა მგონია, ოთხშაბათამდე ტრავმა მოირჩინონ.

ანტონიო ვალენსიაც დავასვენე, მაგრამ რუნისა და ჯონსს გუნდთან ერთად ჯერ არ უვარჯიშიათ, ამიტომ ვფიქრობ, რომ "უემბლიზეც" კი ვერ ითამაშებენ", - განაცხადა მოურინიომ.

წყარო: M.E.N.