"ჰალ სიტი"

"მანჩესტერ იუნაიტედი" პრემიერ ლიგაში ბოლო 13 მატჩის განმავლობაში არ მარცხდება (7 მოგება, 6 ფრე). ეს ყველაზე ხანგრძლივი წაუგებელი სერიაა 2013 წლის მარტის შემდეგ, როცა ფერგიუსონის ხელმძღვანელობით გუნდი 18-მატჩში არ მარცხდებოდა.

"წითელმა ეშმაკებმა" მიმდინარე სეზონში "ოლდ ტრაფორდზე" პრემიერ ლიგის ეგიდით ჩატარებულ 11 მატჩში მეტოქის კარისკენ 77-ჯერ დაარტყეს, რაც ორით მეტია, ვიდრე მთელ გასულ სეზონში ჩატარებულ საშინაო მატჩებში განხორციელებული დარტყმების რაოდენობა.

"მანჩესტერ იუნაიტედმა" პრემიერ ლიგაში ოთხშაბათს ჩატარებული მატჩების რეკორდული რაოდენობა, 63 შეხვედრა მოიგო, ამ დღეს ჩატარებულ მატჩებში კი საშუალოდ 2.17 ქულას აგროვებდა - მეტს, ვიდრე ნებისმიერი სხვა მეტოქე.

"ჰალ სიტი"

"ჰალ სიტიმ" ინგლისის ჩემპიონატში თავისი ბოლო 20 მატჩიდან მხოლოდ 2 მოიგო.

თუმცა, ახალმა მთავარმა მწვრთნელმა, მარკუ სილვამ "ვეფხვების" ხელმძღვანელობისას ყველა ტურნირზე ჩატარებული ბოლო 6 მატჩიდან 3 მოიგო.

მას შემდეგ, რაც "ჰალმა" პრემიერ ლიგაში ჩატარებულ პირველ 3 გასვლით შეხვედრაში 4 ქულა აიღო, "ვეფხვებმა" დანარჩენი ცხრავე მატჩი წააგეს.

პრემიერ ლიგის ბოლო 11 მატჩში მათ მხოლოდ 6 გოლი გაიტანეს.

"ჰალ სიტიმ" მიმდინარე სეზონში 10 გოლი გაუშვა 11-მეტრიანიდან, რაც ერთით ნაკლებია რეკორდულ 11 გოლზე, რომელიც 2006/07 წლების სეზონში "ბლექბერნ როვერსმა" მიიღო საკუთარ კარში.








წამყვანი ბომბარდირები: იბრაჰიმოვიჩი - 8 გოლი (6 ლიგაში).

უეინ რუნიმ "ოლდ ტრაფორდზე" პრემიერ ლიგის მატჩებში 100 გოლი გაიტანა. ერთადერთი ფეხბურთელი, რომელმაც ერთ სტადიონზე გატანილი გოლების რაოდენობით 100-ს გადააჭარბა, "არსენალის" ყოფილი მოთამაშე ტიერი ანრია, რომელმაც "ჰაიბერიზე" 114 გოლის გატანა მოახერხა.

ამჟამად რუნის პრემიერ ლიგაში 148 სხვადასხვა მეტოქის კარში აქვს გოლი გატანილი. წინ ამ მაჩვენებლით მხოლოდ ალან შირერი (190), ფრენკ ლამპარდი (149) და ენდი კოული (149) არიან.

"ჰალ სიტის" წინააღმდეგ პრემიერ ლიგის ეგიდით ჩატარებულ ბოლო 7 მატჩში "იუნაიტედის" კაპიტანმა 7 გოლი გაიტანა და 4 საგოლე გადაცემა გააკეთა.

ზლატან იბრაჰიმოვიჩმა 2012/13 წლების სეზონიდან დღემდე ჩატარებულ 143 მატჩში გატანილ 168 გოლში მიიღო მონაწილეობა (127 გოლი და 41 საგოლე გადაცემა).

"ჰალ სიტი"

წამყვანი ბომბარდირები: სნოდგრასი - 9 გოლი (7 ლიგაში) (გადავიდა "ვესტ ჰემში").

თუ მოედანზე ჯეიმს უეირი გავა, ითამაშებს წინააღმდეგ კლუბისა, რომელშიც კარიერა დაიწყო. "ჰალის" შემადგენლობაში დანარჩენი ორი ფეხბურთელი, რომელიც "იუნაიტედმა" აღზარდა, ალექს ბრიუსი და უილ კინი არიან, თუმცა ორივე მათგანი ტრავმირებულია.

ურთიერთშეხვედრები

გუნდები ერთმანეთს ყველა ტურნირზე 31 მატჩში შეხვდნენ. "იუნაიტედმა" 21-ჯერ იმარჯვა, "ჰალმა" 6-ჯერ, 4 მატჩი ფრედ დასრულდა.

"მანჩესტერ იუნაიტედის" წინააღმდეგ პრემიერ ლიგაში ჩატარებულ 9 მატჩში "ჰალმა" მხოლოდ 1 ქულა აიღო.

ეს მატჩი გუნდების მე-4 დაპირისპირება იქნება მიმდინარე სეზონში, ბოლო 23 დღეში კი მე-3.

ლიგის თასის საპასუხო მატჩში მოპოვებული გამარჯვება "ჰალ სიტის" მიერ "იუნაიტედის" დამარცხების პირველი შემთხვევაა 1974 წლის ნოემბრიდან ჩატარებულ ყველა ტურნირზე ჩატარებულ მატჩებში.

სახლში და გასვლაზე

ლიგა: "იუნაიტედი" - 17 მოგება, "ჰალ სიტი" - 4 მოგება, ფრე - 4.

პრემიერ-ლიგა: "იუნაიტედი" - 8 მოგება, "ჰალ სიტი" - 0 მოგება, ფრე - 1.

"იუნაიტედის" სტადიონზე

ლიგა: "იუნაიტედი" - 11 მოგება, "ჰალ სიტი" - 0 მოგება, ფრე - 1.

პრემიერ-ლიგა: "იუნაიტედი" - 4 მოგება, "ჰალ სიტი" - 0 მოგება, ფრე - 1.

უკანასკნელი შეხვედრა "ოლდ ტრაფორდზე"

თარიღი: შაბათი, 29 ნოემბერი, 2014
სწრებადობა: 75, 345
მსაჯი: ენტონი ტეილორი
გოლები "იუნაიტედის" რიგებში: სმოლინგი 16' რუნი 42', ვან პერსი 66'

გუნდების შემადგენლობები

მატჩში დაფიქსირებული სტატისტიკური მონაცემები

მთავარმა მსაჯმა, ჯონათან მოსმა მიმდინარე სეზონში ყველა ტურნირზე 18 მატჩი განსაჯა, 65 ყვითელი და 3 წითელი ბარათი აჩვენა.

გვერდითი მსაჯები: ადრიან ჰოლმსი, მეთიუ უილკესი
სათადარიგო მსაჯი: სტიუარტ ეტველი