"მანჩესტერ იუნაიტედს" ბრაზილიელ ფეხბურთელებთან მუშაობის დიდი გამოცდილება არ აქვს, თუმცა, დიდი ალბათობით, კლუბმა შეიძლება გაბრიელ ბარბოსას სახით ისტორიაში რიგით მეშვიდე შენაძენი გააკეთოს.

The Sun-ის ინფორმაციით, "იუნაიტედი", რომელიც "პოლუსის პოზიციაშია", ბრაზილიური "სანტოსის" 19 წლის ფორვარდის, გაბრიელ ბარბოსას შეძენას აპირებს. სავარაუდოდ, გარიგება 48 საათში დასრულდება. მოგეხსენებათ, პოლ პოგბას ტრანსფერის 48 საათში დასრულების შესახებ Sky Italia ორი კვირის განმავლობაში წერდა.

ჟოზე მოურინიო ზაფხულის დასაწყისში ახალგაზრდა ბრაზილიელის შესაძენად თანხების გამოყოფის თაობაზე აშკარად უარზე იყო, თუმცა არ იქნება გასაკვირი, თუ იგი ბარბოსას "ოლდ ტრაფრორდზე" მაინც მოიყვანს.

"მომდევნო ნეიმარად" წოდებული ბარბოსა ამჟამად ბრაზილიის ნაკრებთან ერთად რიოს ოლიმპიადაზე იღებს მონაწილეობას, სადაც "სელესაო" ოთხშაბათს ნახევარფინალურ ეტაპზე ჰონდურასს დაუპირისპირდება. ბრაზილიელმა მიმდინარე ოლიმპიურ თამაშებზე 3 შეხვედრაში მიიღო მონაწილეობა და 2 გოლის გატანა მოახერხა.

წყარო: M.E.N