"მანჩესტერ იუნაიტედის" ლეგენდარულმა მცველმა ინგლისის ნაკრების მთავარი მწვრთნელის ასისტენტის პოსტი დატოვა.

ორშაბათს ევროპის ჩემპიონატის 1/8 ფინალში ისლანდიისა და ინგლისის ნაკრებები დაუპირისპირდნენ ერთმანეთს და გამარჯვება ტურნირის დებიუტანტებმა მოიპოვეს ანგარიშით 2:1. მატჩის შემდეგ როი ჰოჯსონმა, "სამი ლომის" მთავარმა მწვრთნელმა, თანამდებობიდან წასვლის შესახებ განცხადება გააკეთა, მოგვიანებით კი ასევე მოიქცნენ მისი ასისტენტებიც, რომელთა შორის გარი ნევილიც იყო.

შეგახსენებთ, რომ ნევილმა დამოუკიდებელი სამწვრთნელო კარიერაც წამოიწყო, მაგრამ ძალზედ წარუმატებლად. "ვალენსიაში" მუშაობისას მან ვერავითარ წარმატებას ვერ მიაღწია.