ლუი ვან გაალმა აღნიშნა, რომ "მანჩესტერ იუნაიტედის" გულშემატკივართა მოლოდინი ინგლისის ჩემპიონატის მოგების შესახებ არარეალურია, თუმცა ჩემპიონთა ლიგაზე მოხვედრა ჯერ კიდევ შეიძლება.

2015/16 წლების სეზონი იწურება, "წითლები" მეხუთე ადგილზე იმყოფებიან და ჩემპიონ "ლესტერ სიტის" 17 ქულით ჩამორჩებიან.

ჩემპიონთა ლიგაზე მოხვედრის შანსები კი "სუონსისა" და "მანჩესტერ სიტის" მატჩის შედეგზეა დამოკიდებული და ვან გაალი იმედს არ კარგავს.

"ინგლისის თასის მოგება შეგვიძლია. რამდენი გუნდი რჩება ბრძოლაში ჯერ კიდევ? რამდენი? რა თქმა უნდა, თუ ოთხეულში ვერ შევალთ ჩვენს მიზანს ვერ მივაღწევთ.

ეს სიმართლეა, რადგანაც ჩვენი მიზანი ჩემპიონთა ლიგაზე გასვლა იყო, მაგრამ ინგლისის თასის ფინალში ვართ და ოთხეულში მოსახვედრად ბოლო მატჩშიც კი ვიბრძვით, ასე რომ, მათემატიკური შანსი ჯერ კიდევ გვაქვს.

რამდენ გუნდს შეუძლია ამის თქმა? ძალიან ცოტას. რა თქმა უნდა, იტყვით, რომ "მანჩესტერ იუნაიტედი" ჩემპიონობისთვის უნდა იბრძოდეს. დიახ, ვიცი, რომ ასეთი მოლოდინი აქვთ, მაგრამ ეს არარეალურია ჩემი აზრით", - განაცხადა ჰოლანდიელმა.

წყარო: goal.com