ბრიტანული პრესა ახალ, "იუნაიტედის" გულშემატკივრებისთვის სასიხარული ინფორმაციაზე ალაპარაკდა. Daily Mail-ის ცნობით, დევიდ დე ხეა "წითლებთან" ახალი კონტრაქტის გაფორმებასთან ახლოსაა. ესპანელი კიპერის აგენტი, ხორხე მენდესი დღეს, "კარინგტონს" კლუბის ხელმძღვანელობასთან შეთანხმების მისაღწევად ეწვია. დე ხეა ძალიან ახლოს იყო "რეალში" 29 მილიონ ფუნტად გადასვლასთან, მაგრამ "იუნაიტედის" ნებსით თუ უნებლიედ, ტრანსფერი ბოლო მომენტში ჩაიშალა. ახლა კი "იუნაიტედის" აღმასრულებელი დირექტორი ედ ვუდვორდი სეზონის ერთ-ერთი ყველაზე მნიშვნელოვანი შეთანხმების მიღწევას ცდილობს.

დევიდს ერთ წელიწადში ეწურება კონტრაქტი, მის მადრიდში ტრანსფერს ზამთარში ვარაუდობენ, მაგრამ "იუნაიტედი" მზადაა ესპანელს წელიწადში 4 მილიონი ფუნტი შესთავაზოს. საინტერესოა, რომ დე ხეასთან და ხორხე მენდესთან ერთად "კარინგტონზე" მისი ოჯახის წევრებიც იმყოფებოდნენ. მოლაპარაკებების შედეგები უახლოეს დღეებში გახდება ცნობილი.

წყარო: dailymail.co.uk