ანხელ დი მარიამ კოპა ამერიკის ფინალში ტრავმა მიიღო, მარკოს როხო დამარცხდა, "მანჩესტერ იუნაიტედის" კიდევ ერთი ფეხბურთელი, ანხელო ენრიკესი კი ტურნირის გამარჯვებულია.

დი მარიამ და როხომ ფინალური მატჩი სასტარტო შემადგენლობაში დაიწყეს და ჩილეს ნაკრების წინააღმდეგ არგენტინელები ფავორიტებად ითვლებოდნენ. ანხელო ენრიკესი 74-ე წუთამდე სათადარიგოთა სკამზე დარჩა, თუმცა ჩილელებმა მის გარეშეც გაართვეს თავი დაკისრებულ ამოცანას. შეხვედრის ძირითად და დამატებით დროში ვერც ერთმა გუნდმა ვერ მოახერხა თავის გამოჩენა და კოპა ამერიკას მფლობელის ვინაობა პენალტების სერიით უნდა გადაწყვეტილიყო, რომელიც ჩილემ 4-1 მოიგო.



"იუნაიტედის" არგენტინული დუეტისთვის რთული საღამო გამოდგა, რადგან ანხელმა მძიმე ტრავმის გამო 29-ე წუთზე დატოვა მოედანი და მის ნაცვლად ეზეკიელ ლავესი შევიდა, ხოლო მარკოს როხომ თავი მხოლოდ ყვითელი ბარათის მიღებით გამოიჩინა.

წყარო: manutd.com