მანჩესტერ იუნაიტედმა მიაღწია "პსვ"-სთან შეთანხმებას, რის შედეგადაც ჰოლანდიელი ახალგაზრდა შემტევი, მემფის დეპაი "მანჩესტერ იუნაიტედში" გადავა. ამ უკანასკნელისადმი ინტერესს კიდევ ერთი ინგლისური კლუბი "ლივერპული" იჩენდა, თუმცა ლუი ვან გაალის ფაქტორმა მაინც თავისი ქნა და ჰოლანდიელმა სწორედ "იუნაიტედი" აირჩია.

კლუბს დეპაის ტრანსფერი £22 მილიონი დაუჯდა. 21 წლის დეპაიმ, 2014 წლის მსოფლიო ჩემპიონატიდან დაამახსოვრა ყველას თავი, ამ სეზონში კი "პსვ ეინდჰოვენის" მაისურით, ჰოლანდიის ჩემპიონატში 28 მატჩში 21 გოლი გაიტანა.

დილიდან არაერთი სიახლე დაიწერა ამ ტრანსფერის შესახებ, ცოტა მოგვიანებით კი კლუბის ოფიციალურმა საიტმაც დაადასტურა ეს ტრანსფერი, ასე რომ დეპაი, 2015 წელს "იუნაიტედის" პირველი შენაძენი გახდა.