ანტონიო ვალენსიას თქმით, "მანჩესტერ იუნაიტედის" მიერ ზაფხულში შეძენილი ფეხბურთელები, რადამელ ფალკაო, მარკოს როხო და ანხელ დი მარია გუნდს კარგად შეეწყვენ.

არგენტინელები "იუნაიტედს" მუდმივი კონტრაქტით შეუერთდნენ და თავის დამკვიდრებაც მოახერხეს.

კოლუმბიელი ფორვარდი კი, რომელიც "იუნაიტედში" "მონაკოდან" იჯარის წესით გადმოვიდა, ჯერ-ჯერობით ვერ ახერხებს პრემიერ ლიგაში ჩვეული თამაშის ჩვენებას - მის ანგარიშზე მხოლოდ სამი გოლია.

ასეთ შედეგებს კი სპეკულაციები მოჰყვა, თითქოს "წითელი ეშმაკები" 28 წლის ფორვარდს არ შეიძენენ.

თუმცა, ვალენსია აცხადებს, რომ ჭორები ფალკაოზე გავლენას ვერ ახდენს და როხოსა და ანხელთან ერთად თავს ისიც კარგად გრძნობს.

"ანხელი, როხო და ფალკაო საოცარი ადამიანები არიან. თითოეული მათგანი მალე შეეგუა ჯგუფს და ვფიქრობ, აქ ცხოვრებისგან სიამოვნებას იღებენ.

შესანიშნავი გუნდი გვყავს. ერთმანეთს კარგად ვეწყობით - ატმოსფეროც დიდებულია, თუმცა ეს ყოველთვის ასე იყო." - განაცხადა ვალენსიამ.

წყარო: express.co.uk